इन छोटो सो मत जाण (तर्ज: बालम छोटो सो)

तर्ज: बालम छोटो सो

इन छोटो सो मत जाण
ओ तो मोटो सो
सारे बिगड़्या सारा काज
ओ तो मोटो सो
इन छोटो सो...

छोटा-छोटा पग्ल्याँ म पायल बाजे
अटक-अटक कर पग्ल्याँ न राखे
भगत बुलावे तो दौड़्यो-दौड़्यो भाजे
नाप पल म कोस हजार
ओ तो मोटो सो...

छोटा-छोटा हाथाँ म बाँसुरिया सुहावे
मिसरी ज्यूँ मीठी मनड़ा न भावे
द्रौपदी बुलायी तो दौड़्यो-दौड़्यो आयो
कोई चीर बढ़ायो अपार
ओ तो मोटो सो...

भगताँ रा पल-पल कारज सारो
'शोभा' न भी थारे चरणाँ म घालो
भवसागर से पार उतारो
कोई बण जावो खेवणहार
ओ तो मोटो सो...